Adem Gunesh, Jazosiz tarbiya 1-2-qismlari

Farzand Yaratganning omonati, uning kamolotida ota-ona, taʼlim muassasalari va jamiyatning muhim o‘rni bor. Ayrimlar bola degani kattalar aytganiga ko‘nib, yelkasini qisib turishi shart, aslo o‘z fikrini bildirib mahmadonalik qilishi kerak emas, deb hisoblashadi. Bunday mute bolalar ulg‘aygach jamiyatga nima bera oladi? Aslida farzandi bilan kichik yoshidanoq kattalardek suhbat qurgan, savollariga javob bergan, mehr bilan tarbiya qilgan ota-onalar bu xatti-harakatlari bilan asl insonni tarbiyalaydilar! Bola- larni, avvalo, inson qilib tarbiyalash ota-ona va taʼlim tizimining maqsadiga aylansa, biz tom maʼnoda shaxs sifatida shakllangan hur fikrli, har tomonlama yetuk avlodlarga ega bo‘lamiz. Ana shunda bundan jamiyat ham, Vatan ham manfaat ko‘radi!